×

GOGO帶你踩 單車 ,遊香港!

GOGO Usage, 客戶


 
路線1:上水豆腐花放題
sheung_shui_05
預計路程:5公里
預計時間:約25分鐘
建議路線:上水港鐵站 → 雙魚河 → 羅太豆腐花 → 雙魚河 → 上水港鐵站

這個路線是Beginners level,來回只不過5公里,而且全程都是平地,可以當週末輕鬆一下的活動!沿途還有$10豆腐花放題。大家可以由上水港鐵站B1出口出發,沿著雙魚河前進,去到分岔口轉右過對岸,然後轉左就會到達吃豆腐花放題的地方 – 羅太豆腐花!最適合一家大細去,因為小朋友都可以輕鬆完成任務!而身為吃貨的你,又點可以錯過$10豆腐花放題呢!
 
路線2:元朗南生圍
1397294_678347048855613_885234862_o
預計路程:3-4公里
預計時間:約20分鐘
建議路線:元朗西鐵站 → 博愛醫院 → 敬輝農場 → 南生圍
元朗南生圍有香港後花園之稱,以元朗西鐵站為起點,踩大概3-4公里,約20分鐘就能完成。沿途會見到紅樹林,濕地,有時還會有白鷺在附近,非常適合拍攝。仲可以去南生圍最出名的木橋影相,CHOK個靚樣,然後post上Facebook呃like!回程時想有另一番體驗的話,可以撘橫水渡回元朗市中心, 單車 都可以上船架!
 
路線3:沙田大美督
201509045預計路程:20公里
預計時間:約2 – 2.5小時
建議路線:沙田市中心 → 吐露港 → 科學院 → 大埔海濱公園 → 大埔工業村 → 大美督
講到踩 單車 ,又點少得大美督!這個經典的 單車 路線最適合一大班朋友去,沿著吐露港直入大埔,全程大概20公里,雖然路程比較長,需要用上一個下午的時間,但途中可以在大埔海濱公園的小食亭購買菠蘿冰稍作休息。到傍晚時間到達大美督就可以燒野食,再漫步船灣淡水湖,絕對可以滿足你三個願望。但要注意在假日的時候大美督可能會比較擠逼, 單車 新手要多加留意!
 
路線4:東涌迪欣湖
IMG_0353預計路程:17公里
預計時間:約1.5 – 2小時
建議路線:東涌海濱 → 喜東街油站 → 白芒 → 迪士尼樂園區域 → 迪欣湖
去迪士尼做足準備,玩得開心至醒得你!東涌除左迪士尼之外,迪欣湖都係另一個熱門週末散心之選,這條 單車 路線由東涌踩到迪欣湖,全程約17公里,需時大概2小時,到達迪欣湖後,還可以在草地野餐。不得不提的是迪欣湖於每年11月也會吸引大批市民特意去拍照美人樹開花的盛況,那麼多活動等住你做,難怪迪欣湖成為香港其中一個打卡熱點啦!
 
路線5:元朗大棠-紅葉
IMG_9850預計路程:14公里
預計時間:約1.5 – 2小時
建議路線:YOHO Town → 朗河路 → 僑興路 → 木橋頭村 → 水蕉新村 → 大棠山道 → 紅葉林
香港人最喜歡到韓國日本賞櫻,其實香港都可以睇紅葉架,例如元朗大棠就是其中一個人氣之選。而踩住 單車 睇紅葉就更加舒服,可以享受一下浪漫的氣息,幻想一下自己出國旅行。這個路程全長大概14公里,因為中途有一段斜路, 都算有點難度,少一點耐力也不行,所以大家要量力而為。雖然紅葉的季節一般都是12月-1月,但大家也可以在其他月份到大棠踩 單車 ,享受一下大自然的景色,而人流亦會相對比較少。
 
其實外國好多城市都有濃厚的踩 單車 文化,以宣傳環保意識,因此市民會以 單車 作為日常代步之用;而在香港,踩 單車 大多為消遣活動,GOGO非常支持大家將踩 單車 加入生活的一部份,享受大自然之餘又可強身健體。所以大家要好好把握天氣好的時間,到郊外放鬆一下,享受生活!嫌麻煩要將自己的愛車搬黎搬去?搵GoGoVan幫你地送去目的地啦,咁就玩得輕鬆又放心。
 
圖片及資料來源:網絡
 


Leave a Reply